Um staðsetningaraðferðir
Síminn finnur staðsetningu þína með GPS, A-GPS, þráðlausu staðarneti eða
farsímakerfinu.
GPS-kerfið (global positioning system) er leiðsögukerfi þar sem gervitungl eru notuð
til að reikna út staðsetningu þína. A-GPS (Assisted GPS) er sérþjónusta sem sendir þér
GPS-gögn og eykur þannig hraða staðarákvörðunar. Að auki er hægt að nota annan
GPS-aukabúnað til að auka nákvæmni og hraða staðarákvörðunar. Við það kann að
vera nauðsynlegt að senda lítið magn gagna um farsímakerfið.
Staðarákvörðun um þráðlaust staðarnet eykur nákvæmni staðsetningar þegar GPS-
merki nást ekki, einkum þegar þú ert innandyra eða háar byggingar eru allt um kring.
Með staðarákvörðun um farsímakerfi byggir staðarákvörðun á því loftnetskerfi sem
síminn er tengdur við.
Ef þú vilt spara gagnakostnað geturðu slökkt á A-GPS í staðsetningarstillingum
símans. Hins vegar getur það þá tekið lengri tíma að reikna út staðsetningu þína.
Hægt er að slökkva á þráðlausum staðarnetstengingum í nettengistillingum símans.
Staðarákvörðun getur skeikað um allt frá nokkrum metrum til nokkurra kílómetra og
veltur nákvæmnin á staðsetningaraðferðum í boði.
Framboð og gæði GPS-merkja kann að verða fyrir áhrifum af staðsetningu þinni,
staðsetningu gervihnatta, byggingum, náttúrulegum hindrunum, veðurskilyrðum og
breytingum á GPS-gervihnöttum sem gerðar eru af Bandaríkjastjórn. Ekki er víst að
GPS-merki náist inni í byggingum eða neðanjarðar.
Ekki skal nota GPS við nákvæmar staðsetningarmælingar og aldrei ætti að treysta
eingöngu á staðsetningargögn frá GPS og farsímakerfum.
Ekki er víst að hnitaupplýsingar séu tiltækar á öllum svæðum.